يامشتكي فرقا القرايـب والأحبـاب ~~~ وفرقا صغيرٍ تـو بـادي يناديـــك
لو عشت طول العمر بديار الأجناب ~~~ عندك أمل يـومٍ تعـود لأراضيـــك
الموت ماهي غربـتك بين الأغـراب ~~~ الـموت والله غربـتك بيـن أهاليـــك
لكشرت دنياك عن أسـود النـاب ~~~ وقامت على درب الـمهالك تـمشيـــك
وتـقفلـت دون المعاذيـر الأبـواب ~~~ وحسيت كل الناس حولك تعاديـــك
واصبح بعضهم ينهشك نهشة الـداب ~~~ وكلٍ يظن وبأسوء الظـن يرميـــك
وان قلت عذرك قالوا الناس كـذاب ~~~ لو كنت صادق عندهم كل ماضيـــك
نـاسٍ تـلـوم ولايعرفـون الأسبـاب ~~~ وأنت السبب في كل ليلـه يبكيـــك
لاتبدي أسباب المظالـم والأنشـاب ~~~ وأصبر لعل الله من الظلـم ينجيـــك
اظلم ظلامات الظلم..ظلم الأقـراب ~~~ خـصٍ إلى جا من قريـبٍ يواليـــك
الجمعة يونيو 08, 2012 6:36 am من طرف 
موضوع: ظلم الأقارب .. 
