мαℓαк


آحـزان بنت سـوريـة
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
»  .. ملكــــہ .. “ [ تـجلس بـعيـداً ] “{ عنـﮯ عـرشـها }
الجمعة يونيو 08, 2012 6:36 am من طرف ♥•°¨ مــلاك ¨°•♥

» فيديو| قبلة طويلة تنقذ رجل يائس من الموت
الأربعاء يونيو 06, 2012 7:24 am من طرف ♥•°¨ مــلاك ¨°•♥

» سوري يفوز بلقب ملك جمال الكرة الارضية
الأربعاء يونيو 06, 2012 2:01 am من طرف ♥•°¨ مــلاك ¨°•♥

» منَ فينـاَ مايضيقْ صدرهـُ:‎ ~°
الأربعاء يونيو 06, 2012 12:50 am من طرف ♥•°¨ مــلاك ¨°•♥

» °♥°مســــاء الحــب°♥°‎
الأربعاء يونيو 06, 2012 12:33 am من طرف ♥•°¨ مــلاك ¨°•♥

»  أبرز ناشطي درعا السورية تحت مقصلة الإعدام
الجمعة مايو 18, 2012 8:19 pm من طرف ♥•°¨ مــلاك ¨°•♥

»  صباح الخير ياوطني ♥♥♥
الخميس مايو 17, 2012 8:01 pm من طرف ♥•°¨ مــلاك ¨°•♥

» لحظات حب غريبة
الخميس مايو 17, 2012 8:03 am من طرف ♥•°¨ مــلاك ¨°•♥

» عروسه كول ,,, لا لليأس يا بنات ◕ ‿ ◕
الأربعاء مايو 16, 2012 9:01 am من طرف ♥•°¨ مــلاك ¨°•♥

» جندى تزوج مرتان و مات فى الحرب – فتشاجرت الزوجتان فى الجنازة العسكرية حول أى منهما تحمل العلم
الأربعاء مايو 16, 2012 8:43 am من طرف ♥•°¨ مــلاك ¨°•♥

التبادل الاعلاني

انشاء منتدى مجاني




شاطر | 
 

 قاموس شامي -عربي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
♥•°¨ مــلاك ¨°•♥
Admin
avatar

تاريخ التسجيل : 27/02/2012
انثى
الجنسية : سوريا
عدد المساهمات : 466
نقاط : 2794
التقييم : 0

مُساهمةموضوع: قاموس شامي -عربي    الثلاثاء مارس 20, 2012 3:27 am


قاموس شامي -عربي
اليوم عندي إلكن قاموس شامي مأصّل و رح يعجبكن تـمام ....

و أكيد أنا رح أعمل جهدي أني أذكر كللل المفردات الشامية الأصلية
يــــــــــــــلا نبـــــدأ:
--------------------------------------------------------------------------------

دشرو : يعني حل عنو.

ماني غضران: يعني لست بقادر وهي بالميداني.


يو تشكلو آسي: تشكلو آسي( بعيد الشر الدعاء بالموت) يعني ........تعبير يفيد
شدة حب المتكلم للمتكلم عنه.

الواه الواه : تعبير نسائي يفيد التمسخر على شيء ما.

معبا ببنطرون: يعني واحد أجدب وجاية يحكي.

ولا: أداة تستخدم في النهر والشتم.

وخنان: مسبة موحلوة بس وضعتها للضرورة اللغوية.

دشرني: أي حل عني...وحل عني يعني اتركني بحالي.

ايدي بزنارك: تعبير يستخدم للتعبير عن الرجاء.

دخيل الله: أيضا تعبير والمقصود به هو الاستغاثة بالله.

وضراب السخن : وهي ومسبة وتعني ......مابعرف بس مسبة وبنفس المعنى كلمة وضريب.

يو الواه الواه: مفردة شهيرة جدا عند النساء وتفيد المألسة – المهزأة-.

عم يكوكش: يعني يفتش-ملاحظة: ليس لها علاقة ببيت كوكش-.

بحبش: أيضا مفردة تعني البحث مع التمحيص.

ينمحئ: ... و يعني ينضرب على قامتو .. يسطفل.

يتحورق : كمان متل يبعتلو حمى.

يتقوص : بنفس المعنى.

و في كمان كلمة تتأمع: (هيك شي) وهي مسبة.

عود يقعد رزك: ... يعني خيلتنا حاجة تحوص .. المعنى الادق يقعد رزك يعني تموت و
الناس ياكلو رز ... لانو لما حدى بيموت من العادات انو بتصير عزيمة وبيطعمو
الناس اوزي على روح الميت و الاوزي اكله معروفة بالشام.

وين غاطط :يعني وينك مو مبين.

و السبع تنعام: ..يعني النا الشرف.

ما بيعرف الخمسه من الطمسه: عن الرجل اللي ما عندو ثقافه.

سري مري:عاللي بيخفق برات البيت لسا رايح و جاية سري مري.

شروي غروي او شندي يندي :عالحكي اللي بلا طعمه .

مجنط: يعني مفلس و صفيان عالحديدة.

فايت بالحيط: يعني وضعو مخربط ومو على بعضو وبيقولو كمان عالبشعين هيك.

طاقين فيوزاتو: يعني جانن وفي كمان مصيف و مأجر الطابق الفوئاني.

مأنشح:- كحته و بيحب الشحته -ايدو ماسكه على البخيييييييييييل.

شاطط و ماطط : يعني مدلع زيادة.

نعيان: ... يعني هيك قلبو بارد.

وفي سهيان: يعني نعسان ونايط.

-نايط = نعيان = بارد-

شأضومه: ... يعني بنت مجلوئة ...يعني كيف بدي الكن .. قليله ادب و مصبينه.

شرنة: يعني فوضوية ووسخة.

-وخمة= وسخة-

شحاطة: ... ما انشرحت معي .....مايلبسه المرء في قدمه عندما يكون في المنزل.

مسرسبة : يعني بتحب النظافة كتير.

اسيييييييييع: - اوعى الزيت بمعنى ممكن تاخد طريق.

اغيييييييييي :هي للابضايات وبس وهي تعبير عن الـــقوة.

تاكلك الدودة العميا:الدودة العميا هي دودة القبر .. يعني الواحد يموت و ياكله
الدود بعيد الشر.

يبعتلو اتلو شو سمج: و يبعتلو اتلو .. كمان يعني يموت و سمج يعني غليظ .

موسوس: يعني مهووس بشغله.

و في كمان .. عقلو جوزتين بخرج: .. يعني عقله صغير وأقل هزة برجو عقلاتو.

متل الاطرش بالزفة :... يعني مالو علاقة بالموضوع.

حاج تحوص و حاج تلوص: يعني حاج تفتل و تدور.

شوية رخار: = بعد شوي.

بنت عمي: = يعني مرتو وطبعا والعكس.

مأنزع: يعني شايف حالو ورافع مناخيرو للسما.

ألعلي: يعني ألي عقلي.

لئوي: يعني شوي شوي.

عم لوب: يعني عم دور ........ عم ابحث.

خوش بوش: يعني عالفاضي ملاحظة(بوش ليس لها علاقة بالرئيس الأمريكي).

شنو: بتجي بمعنى لأن.

كوكش: يعني يفتش (( و نقول مثلاً : لك حاج تكوكشي يعني كفاية بحث على شيء معين )) .

بحبش: أيضاً مفردة تعني البحث مع التمحيص و التدقيق (( نقول مثلاً : ولك على شو عم تبحبشي ؟؟؟ يعني ماهو الغرض يللي ضايع منك و عم بتدوري عليه و ماعم بتلاقيه ؟؟؟ ...

وين غاطط: يعني وينك مو مبين أي أين أنت صار لي زمان ما شفتك ....

و السبع تنعام : .يعني إلنا الشرف بالتعرف عليك , يقال مثلاً أنا أسمي فلانة فترد عليها الثانية : أيه و السبع تنعام و الله , يعني لنا الشرف بالتعرف عليكي .

أندفسي أو اندفس : يعني أوم نام حاجتك سهر, أو أقعد بئا حاج تحوص .

شوفي مافي : يعني شو آخر الأخبار و القصص , أقول مثلاً لصديقتي عندما أكلمها على الهاتف : أيه شوفي مافي ؟؟؟؟ يعني شو آخر أخبارك أو قصصك ؟؟؟


حباكل حببشرب حبروح:......كلمة حب بتجي بمعنى التسويف سوف افعل كذا.



شيت: تستخدم للملكية بمعنى تبع



جبللة: يعني سئيل ودم بيتقطع بالسكاكين.



يئبشني : هي دعوة متل تأبرني بس معناها انو الواحد لما بيموت بيلفو متل السكرة
يا لطيف ايه وهي اللفة من كل طرف اسمها أبشة.



سحنوكة: يعني نحيفة (جلدة وعضمة).



سرنوة: هي مسبة بس لحد هلق ماعم اعرف شو المعنى الحرفي الها.



مجولئة: يعني حلئها عريض وبتمط بالحكي.



كتار غلبة : يعني حشري وبيدس منخيرو –انفو- بكل شي.



-لتات= كرار او غرار = بيلعي = علاك = ثرثار-



عم يترغل انكليزي: يعني بيحكي منيح هاللغة.



صخام النني وعكر الزيت: صيغة تعجبية وتعني شدة الوساخة.



الدعاء بالموت المروع –خاص - : 1
- يأوصوك ما يصيبوك تموت رعبة

2-يدبحوك بقزازة –قطعة زجاج مكسور-.

3- ياكلوك الكلاب.

4-انشاله بيدعس التور بكرشك.



كفاية اليوم مفردات جديدة يادوبكم تحفظوها خخخخخخخ , و آتيكم مع كلمات جديدة قريباً إن شاء الله لسه القاموس طويـــــــــل لا تخافوا راجعتلكم ......




الرجوع الى أعلى الصفحة اذهب الى الأسفل
http://mlak2011.7olm.org
بقايا رجل

avatar

تاريخ التسجيل : 04/03/2012
ذكر
الجنسية : فلسطين
عدد المساهمات : 159
نقاط : 2297
التقييم : 1

مُساهمةموضوع: رد: قاموس شامي -عربي    الجمعة مارس 23, 2012 7:49 pm

بصراحة عجبني كلام اهل الميدان هههههههههه



ال غضران ال

ههههه



كل الووووووود
الرجوع الى أعلى الصفحة اذهب الى الأسفل
♥•°¨ مــلاك ¨°•♥
Admin
avatar

تاريخ التسجيل : 27/02/2012
انثى
الجنسية : سوريا
عدد المساهمات : 466
نقاط : 2794
التقييم : 0

مُساهمةموضوع: رد: قاموس شامي -عربي    السبت مارس 24, 2012 12:19 am


اي ما أحلاه وما يعجبك
احسن من زتون ههه
مشكور



الرجوع الى أعلى الصفحة اذهب الى الأسفل
http://mlak2011.7olm.org
 
قاموس شامي -عربي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
мαℓαк :: الفئة الأولى :: ســــوريا يا حبيبتي-
انتقل الى: